मुस्ताङ जोमसोमपाखे पोखराया लागि वयाच्वंगु बस थासाङ गाउँपालिका–३ या कालीगण्डकीइ कुतुवाना निम्ह भारती व झीन्ह्यम्ह घाःपाः जूगु दु।

मुस्ताङया थासाङ गाउँपालिका धम्पु धइगु थासय् सतकं बस कालीगण्डकीइ कुतुवःगु खः। ना ७ ख ७४४० नम्बरया बस च्वनावःपि दक्को घाःपाः जूगु दु सा निम्हेसिगु अवस्था गम्भीर दु धका प्रहरी नायव उपरीक्षक (डीएसपी) रविन्द्रनाथ पौडेलं जानकारी बिःगु दु।

बस करिब ४५ मिटर क्वय् कुतु वःगु खः। बस तःपिक लखय् कुतु वःगु व प्रहरी कार्यालय नापं जुगुलि याकन उद्धार याःगुलि तधःगु क्षति मजुगु धका पौडेलं धाःगु दु।

गम्भीर घाःपाः जूपि निम्ह नाप १४ म्हेसित थप उपचारया लागि एम्बुलेन्सपाखे पोखराय् छ्वःगु दु सा ल्यः दनिइपि स्वम्ह सामान्य घाःपाः जूपिन्त थासाङ–३ या लेते प्राथमिक स्वास्थ्य केन्द्रय् उपचार जूयाच्वंगु दु धका पोडेलं जानकारी बिःगु दु।

Categorized in राष्ट्रिय