नेकपा एमाले निकट अनेरास्ववियुया केन्द्रीय अध्यक्षय् समिक बडाल विजयी जूगु दु। २३ क्वःगु राष्ट्रिय महाधिवेशन अन्तर्गत वंगु चान्ह्यः जूगु निर्वाचनय् निवर्तमान महासचिव बडाल अध्यक्षय् विजयी जूगु दु।

सहमतिइ नेतृत्व ल्ययेगु कुतः ताःमलायेवं विद्युतीय मेसिनपाखे मतदान जुगु खः। निर्वाचनय् १५१७ मत कुहावःगु खः। निर्वाचन समितिं औपचारिक रुपं मतपरिणाम सार्वजनिक याये ल्यं दनिइ।

छम्ह नेतां बिगु जानकारी कथं उपाध्यक्षय् गोविन्द गिरी, धर्म गिरी, नारायण घर्ती व मार्यादा विष्ट, महासचिवय् नरेश रोकाया नाप कोषाध्यक्षय् संगम अर्याल विजयी जूगु दु।

अथे हे सचिवय् सन्जीव धिताल, सुजन कडरिया, प्रकाश पौडेल, दीपेश प्रसाईं, अन्जना शिवाकोटी, आरती भट्टराई व बिनिता काफ्ले निर्वाचित जुगु दु धका धाःगु दु।

Categorized in राष्ट्रिय