सरकारं पृथ्वी जयन्ती व जनयुद्ध दिवसय् सार्वजनिक बिदा क्यालेण्डरय् तइगु जुगु दु।

मन्त्रिपरिषदया निर्णय सार्वजनिक यासे शुक्रबाः सरकारया प्रवक्ता नाप संचार, सूचना तथा प्रविधि मन्त्री रेखा शर्मा न २०८० सालया लागि थ्व स्वया न्ह्यः बिदा जुगु पुस २७ गते पृथ्वी जयन्ती व फागुन १ गते जनयुद्ध दिवसया बिदा न तयेगु निर्णय जूगु दु धका जानकारी बिःगु दु।

क्यालेण्डरय् उल्लेख मजुगुसा पुस २७ व फागुन १ गते सरकारं सार्वजनिक बिदा बिःगु खः। २०८० सालय् क्यालेण्डर छापे याये धूकुसा वयालिपा बिइगु सार्वजनिक बिदा पुनरावलोकनया ज्या वइगु भदौतक क्वचाइगु व बिदा व्यवस्थित यायेगु निर्णय जूगु दु धका मन्त्री शर्मा न धाःगु दु।

Categorized in राष्ट्रिय