भारतया मुम्बईलय् नेशनल बर्न्स सेन्टरय् उपचार यानाच्वम्ह कांग्रेस नेता प्रतिनिधि सभा सदस्य चन्द्र भण्डारीया निपाः तुतिइ शल्यक्रिया क्वचागु दु।

भण्डारीया उपचार समन्वयया लागि वनाच्वम्ह नेता योजराज कँडेलले जानकारी बिगु खः। भण्डारीया अवस्था सामान्यय् दु सा आः निक्वःगु शल्यक्रिया यायेगु वा मयायेगु धइगु ’अब्जर्भेशन’ लिपा जक निर्णय जुइ धका धयादीगु दु।

भण्डारीया उपचारय् खटे जूयाच्वंपि डाक्टरपिनिगु कथं वयकःया मुटुया चाल न सामान्य दु व एन्टिबायोटिक्स निरन्तर बियाच्वंगु दु धका कँडेलं धाःगु दु।

Categorized in राष्ट्रिय