लोकतान्त्रिक समाजवादी पार्टी नेपालया अध्यक्ष महन्थ ठाकुरं थःत राष्ट्रपति दयेकेमाःगु प्रस्तावया निति प्रधानमन्त्री पुष्पकमल दाहालयात नापलानादीगु दु ।

लोसपाया म्हिगः च्वंगु शीर्ष नेताया बैठकं अध्यक्ष ठाकुरयात राष्ट्रपतिइ प्रस्ताव यायेगु निर्णय यायेवं वय्कः थ्वहे प्रस्ताव ज्वनाः प्रम दाहालयात नापलाः झाःगु खः ।

अध्यक्ष ठाकुर नाप वरिष्ठ नेता राजेन्द्र महतो, शरतसिंह भण्डारी, कार्यकारिणी दुजः अनिलकुमार झा, सर्वेन्द्रनाथ शुक्ला नं वःगु खः।

राष्ट्रपतिया नामय् कांग्रेस, एमाले व माओवादी दथुइ सहमति मजुयाच्वंगु इलय् ठाकुरयात नां प्रस्ताव यायेत्यंगु खः ।

लोसपां कांग्रेस सभापति शेरबहादुर देउवा व एमाले अध्यक्ष केपी ओलीयात नं ठाकुरयात राष्ट्रपतिइ समर्थन यायेत इनाप यायेत्यंगु दु ।

Categorized in राजनीति