लघुवित्त वित्तीय संस्थायात नेपाल राष्ट्र बैंकं अनियन्त्रित कर्जा लगानी, प्रोभिजन व लाभांश कडा यायेवं वःगु असर सेयर बजारय् खनेदुगु दु।

बिहीबाः लघुवित्त उपसूचक तसक कुहावःगु दु। उकिया कारण समग्र सेयर बजाः ५७.७४ अंकं कुहावःगु दु। लघुवित्तय् जक ९.५४ अंकं कुहावःगु दु।

३९ गु कम्पनीया सेयर भाः नेगेटिभ सर्किट लेवलय् कारोबार जूगु दु। थौं कुहावःगु दक्को लघुवित्त कम्पनी खः। बिहीबाः ४८ हजार १०५ गु कारोबारपाखे ६३ लाख २६ हजार १०५ कित्ता सेयर किनबेच जूगु खः।

बिहीबाः २ अर्ब ५२ करोड २७ लाख १३ हजार रुपैयाँया कारोबार जूगु दु। अप्पो सेयर कुहवसा नेपाल हाइड्रोया भाः दकलय् अप्पो ४.८२ प्रतिशतं थहावःगु दु। सामलिङ पावर कम्पनी ४.७७ प्रतिशतं थहावःगु दु।

बिहीबार छिमेक लघुवित्तया दकलय् अप्पो कारोबार जूगु खः।

Categorized in राष्ट्रिय