२०८१ आषाढ ११, मंगलबार

एमालेया मन्त्रीपाखे राजिनामा

लहनान्युज | चिल्लाथ्व अष्टमी ११४३, फागुन १५ सोमवाः

नेकपा एमालेपाखे मन्त्रीजूपि नेतापिन्स थौं प्रधानमन्त्रीयात राजीनामा लःल्हाःगु दु।

थौं सोमबाः बहनि उपप्रधानमन्त्री विष्णु पौडेलनाप एमालेपाखे मन्त्रीजूपि नेतापिन्स बालुवाटारय् वना प्रधानमन्त्री पुष्पकमल दाहाल प्रचण्डयात राजीनामा लःल्हाःगु दु।

मन्त्रिपरिषदय् एमालेपाखे उपप्रधानमन्त्री नाप अर्थमन्त्री विष्णु पौडेल, कृषि मन्त्री ज्वालाकुमारी शाह, परराष्ट्रमन्त्री विमला राई पौड्याल, उद्योग, वाणिज्य नाप आपूर्ति मन्त्री दामोदर भण्डारी, स्वास्थ्य नाप जनसंख्यामन्त्री पदम गिरी, रक्षा मन्त्री हरि उप्रेती, महिला बालबालिका नाप ज्येष्ठ नागरिक मन्त्री भगवती चौधरी व भूमिसुधार मन्त्री राजेन्द्रकुमार राईपि खः।

थौं सोमबाः न्हिनय् एमालेया सचिवालय बैठकं सरकारपाखे पिहवनिइगु व समर्थन न लितकायेगु निर्णय याःगु खः।

थ्व स्वया न्ह्यः आइतबाः संयुक्त राष्ट्रसंघीय मानव अधिकार परिषदया बैठकय् ब्बति कायेगु निति वनेत्यःम्ह परराष्ट्र मन्त्री विमला राई पौड्यालयात प्रधानमन्त्रीं पंगः थःगु खः।

Categorized in राजनीति