राष्ट्रपति निर्वाचनया लागि आचारसंहिता
लहनान्युज | चिल्लाथ्व नवमी ११४३, फागुन १६ मंगलवाः

निर्वाचन आयोगं फागुन २५ गते कुन्हु जुइगु राष्ट्रपति निर्वाचन व चैत्र ३ गते जुइगु उपराष्ट्रपति निर्वाचनया लागि फागुन १७ गतेनिसे आचारसंहिता लागू यायेत्यःगु दु।
संघीय संसदय् ३३२ व प्रदेशसभाया ५५० म्ह याना ८८२ म्ह मतदाता दुगु निर्वाचनया लागि फागुन १७ निसे चैत्र ५ गतेतक आचारसंहिता लागु जुइ धका आयोगं मंगलबाः छगू सूचं प्रकाशितयासे जानकारी बिःगु खल्।
आचारसंहिता नेपाल सरकार, प्रधानमन्त्री व मन्त्री, प्रदेश सरकार, मुख्यमन्त्री व मन्त्री, संघ, प्रदेश व स्थानीय तहया कर्मचारी, सुरक्षा निकायया कर्मचारी, सरकारी, अर्धसरकारी नाप सार्वजनिक संस्थाया कर्मचारीपिन्त लागु जूइ।
अथे हे राजनीतिक दल व वयागु भ्रातृ संगठन, उम्मेदवार व उम्मेदवारया प्रतिनिधि, मतदान व मतगणना जुइगु थाय् खटे जुइपि उम्मेदवारया प्रतिनिधि, सार्वजनिक पद धारणयापि मनू, सञ्चार प्रतिष्ठान, वया कर्मचारी व पत्रकार नाप मतदातपिन्त आचारसंहिता लागु जुइ।
Categorized in राष्ट्रिय