२०८० चैत्र १५, बिहिबार

सुनकोथिइ चीभालय् मूर्ति खुया यंकल

लहनान्युज | चिल्लाथ्व एकादशी ११४३, फागुन १९ शुक्रवाः

यलया सुनकोथिइ च्वंगु ऐतिहासिक चीभालय् तयातःगु बुद्धया मूर्ति खुया यंकूगु दु। सुनाकोथिइ चीभाःलाछिइ च्वंगु उगु चीभालय् मूर्ति खुया यंकूगु खः।

स्थानीय मनूतय्सं धाः कथं वंगु चान्हय् चीभाः हे तछ्यानाः अन तयातःगु बुद्धया मूर्ति खुया यंकूगु खः। स्थानीय मनूतय् धापू कथं थ्व चीमाः सम्राट अशोकं दयेकूगु खः।

उकिं थ्व तसकं पुलांगु चीभाः खः। थ्वहे चीभाःया कारणं थ्व लाछिया नां हे चीभाःलाछि जूवंगु खः। ऐतिहासिक चीभाःया प्यखेरं चिचीधंगु देगःचा दनाः उकिया द्यःने पञ्चबुद्ध पलिस्था यानातःगु खः।

उकी मध्ये छम्ह बुद्धया देगः हे थुनाः द्यः खुया यंकूगु खः। द्यः खुया यंकूगु बारे स्थानीय मनूतय्सं प्रहरीयात उजुरी यायेधुंकूगु दु ।

Categorized in राष्ट्रिय