२०८० चैत्र १५, बिहिबार

रेशम चौधरीयात नापलायेत एमालेया नेतापि डिल्लीबजारय्

लहनान्युज | चिल्लाथ्व एकादशी ११४३, फागुन १९ शुक्रवाः

नेकपा एमालेया नेतापि डिल्लीबजार कारागारय् वना रेशम चौधरीयात नापलाःगु दु।

टीकापुर घटनाय् जन्मकैदया सजाय फयाच्वंम्ह चौधरी नागरिक उन्मुक्ति पार्टीया संरक्षक न खः। चौधरीयात नापलायेत एमाले सचिव योगेश भट्टराई, नेतापि कृष्णगोपाल श्रेष्ठ, भगवती चौधरी, ठाकुर गैरे लगायतया नेतापि वःगु खः।

नापालाना थःपिन्स राष्ट्रपति निर्वाचनय् थःपिनिगु दलया उम्मेदवार सुवासचन्द्र नेम्वाङयात मत बिइत इनाप यानागु धका एमाले सचिव भट्टराई न जानकारी बिःगु दु।

चौधरीं धाःगु दु धका २४ गते च्वंगु पार्टीया बैठकं थुकिया निर्णय याइगु जानकारी बिःगु खः। थ्व स्वया न्ह्यः एमाले नेतापिन्स लोकतान्त्रिक समाजवादी पार्टीया नेतापिन्स न नापलागु खः।

Categorized in राजनीति