२०८१ आषाढ १२, बुधबार

प्रचण्डविरुद्धया रितय् थौं प्रारम्भिक सुनुवाइ

लहनान्युज | चिल्लागा द्धितीया ११४३, फागुन २५ बिहीवाः

प्रधानमन्त्री पुष्पकमल दाहाल प्रचण्डविरुद्ध सर्वोच्च अदालतय् दायर जूगु रिटय् थौं सुनुवाइ जुइत्यःगु दु।

अधिवक्ता ज्ञानेन्द्रराज आरण व द्वन्द्वपीडित कल्याण बुढाथोकीं वःगु मंगलबाः दायर याःगु रिटय् थौं प्रारम्भिक सुनुवाइ यायेत्यःगु दु। २०७६ साल माघ १ गते तीख्यलय् जूगु छगू सार्वजनिक ज्याझ्वलय् प्रचण्डं सशस्त्र द्वन्द्वय् मदुपि १७ हजार मध्ये ५ हजार जक थःम्हेसिया जिम्मा काये धकाः धाःगु खः।

उगु धापूयात कया प्रचण्डयात फौजदारी द्धपय् ज्वना अनुसन्धान यायेत रिट निवेदकपिन्स माग याःगु खः।

Categorized in राजनीति