राष्ट्रपतिइ नेपाली कांग्रेसया उम्मेदवार रामचन्द्र पौडेल निर्वाचित जूगु दु। बिहीबाः संघीय संसदय् जूगु निर्वाचनय् पौडेलं ३३ हजार ८०२ मतभारं निर्वाचित जूगु दु।

वयकलं २१४ संघीय सांसद व ३५२ प्रदेश सांसदपिनिगु मत काःगु खः। पौडेलं नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, राष्ट्रिय स्वतन्त्र पार्टी, जनमत पार्टी, नागरिक उन्मुक्ति पार्टी, राष्ट्रिय जनमोर्चां मत बिःगु खः।

अथे हे मेम्ह उम्मेदवार एमालेया सुवासचन्द्र नेम्वाङं १५ हजार ५१८ मत भार काःगु दु। वयकलं ९६ संघीय सांसद व १६२ प्रदेश सांसदपिनिगु मत काःगु दु धका निर्वाचन कार्यालय स्रोतं धाःगु दु।

निर्वाचन कार्यालयया आधिकारिक लिच्वः सार्वजनिक जुइ ल्यः दनिइ।

Categorized in राष्ट्रिय