सी जिनपिङ स्वक्वःगु कार्यकालया लागि चीनया राष्ट्रपति जूगु दु ।

वयकः १४ क्वःगु राष्ट्रिय जनकंग्रेसं जारी अधिवेशनपाखे शुक्रबाः सर्वसम्मतिं राष्ट्रपतिइ निर्वाचित जूगु खः। ग्रेट हल अफ द पिपलय् उपस्थित नेशनल पिपुल्स कंग्रेस (एनपीसी) या स्वद्धः न मल्याक दुगु दुजःपिन्स ६९ दँ दुम्ह सीयात सर्वसम्मत कथं राष्ट्रपतिइ ल्यःगु दु धका समाचार एजेन्सी सिन्ह्वां धाःगु दु।

थ्व नाप वयकः माओत्सेतुङ लिपा दकलय् अप्पो शक्तिशाली नेताया कथं थःगु पकड बलाकाः च्वंगु दु। सीविरुद्धय् सू न प्रतिस्पर्धी मदुगु खः। वयकः देशया केन्द्रीय सैन्य आयोगया अध्यक्षय् न स्वक्वःगु कार्यकालया लागि सर्वसम्मत निर्वाचित जूगु खः।

झाओ लेजी संसदया न्हुम्ह सभामुख व हान झेंग उपाध्यक्षय् निर्वाचित जूगु खः।

Categorized in अन्तर्राष्ट्रिय