नेकपा माओवादी केन्द्र मिसाम्ह उपराष्ट्रपति दयकेगु पक्षय् खनेदुगु दु।

निर्वाचन आयोगं राष्ट्रपतिइ मिजंम्ह व खसआर्य समुदायया रामचन्द्र पौडेल निर्वाचित जुइ धुकुगुलि व स्वया बिस्कं लिंग वा समुदायया मनू उपराष्ट्रपति पदया उम्मेदवार जुइफइगु विज्ञप्ति पिकाःगु खः।

थुकिया बारे सत्ता साझेदार दलपिनिगु मंकाः धारणा वःगु मदुनि। तर, माओवादी केन्द्रं मिजंम्ह राष्ट्रपति जुइ धुकुगुलि मिसाम्ह उपराष्ट्रपति जूसा बालाइ धका धाःगु दु।

‘संविधानय् फरक लिंग वा समुदाय धाःसां अभ्यासय् राष्ट्रपति व उपराष्ट्रपतिइ मिसा व मिजं यायेगु अध्यास याना वयाच्वंगु खः। अभ्यासयात फलो यायेगुलि बालाइ’ माओवादी केन्द्रया महासचिव देव गुरुङं धाःगु दु।

महासचिव गुरुङं उपराष्ट्रपति सूयात बिइगु धइगु गठबन्धनय् दुगु दलपि दथुइ औपचारिक सहमति जूग्ु मदुनि धका धाःगु दु। ‘जसपा न थःपिनिगु उपराष्ट्रपतिइ मागदाबी प्रस्तुत यानाच्वंगु दु’, धका गुरुङं धाःगु दु।

Categorized in राष्ट्रिय