उपराष्ट्रपति पदय् नेकपा एमालेया नेतृ अष्टलक्ष्मी शाक्य न उम्मेदवारी दर्ता याःगु दु।

थौं शनिबाः संघीय संसद भवन न्हुगु बानेश्वरय् राष्ट्रपति नाप उपराष्ट्रपति निर्वाचन कार्यालयय् वना वयकलं उपपराष्ट्रपतिइ उम्मेदवारी दर्ता यानादीगु खः।

शाक्यया प्रस्तावकय् एमाले अध्यक्ष केपी शर्मा ओली, उपाध्यक्ष सुवासचन्द्र नेम्वाङ, छविलाल विश्वकर्मा, गोकर्ण बिष्ट, रघुवीर महासेठपि च्वनादीगु खः। अथे हे समर्थकय् कृष्णगोपाल श्रेष्ठ, महेश बर्तौला, तुलसा दाहाल, भगवती न्यौपाने, यशोदा रिजालपि च्वनादीगु खः।

उपराष्ट्रपतिया निर्वाचन ३ चैतय् जुइत्यःगु खः। उम्मेदवारी दर्ता याये धुका सञ्चारकःमिपि नाप खँ ल्हयायेगु झ्वलय् उम्मेदवार शाक्यं लोकतन्त्र बल्लाकेगु निति थःगु उम्मेदवारीबारे बिचाः यायेमाः धका धयादीगु खः।

Categorized in राष्ट्रिय