सत्तारुढ झीगु दलया बैठक बालुवाटारय् सुरु जूगु दु। उपराष्ट्रपतिया निर्वाचन लगायत सरकारया बिषय सहमति यायेगु निति झीगु दलया बैठक प्रधानमन्त्री निवास बालुवाटारय् सुरू जुगु खः।

उपराष्ट्रपतिया लागि सत्तारुढ गठबन्धनपाखे हे स्वम्हेसिगु उम्मेदवार वंगु खः। सत्तारुढ तधःगु दलं जनता समाजवादी पार्टी जसपायात उपराष्ट्रपति बिइ धका धाःगु खःसा जनमत पार्टी न ममता झा न मनोनयन दर्ता याःगु खः।

जसपां रामसहायप्रसाद यादवयात उपराष्ट्रपति दयकेगु निर्णय याउगु खःसा उपराष्ट्रपतिइ मिसा माःगु अवस्थाया लागि प्रमिला कुमारीं न मनोनयन दर्ता याःगु खः।

नेकपा एमाले न अष्टलक्ष्मी शाक्ययात उपराष्ट्रपतिया उम्मेदवार दयकूगु खः।

Categorized in राष्ट्रिय