२०८१ बैशाख १०, सोमबार

थौं उपराष्ट्रपतिया निर्वाचन

लहनान्युज | चिल्लागा दशमी ११४३, चैत्र ३ शुक्रवाः

उपराष्ट्रपति पदय् थौं निर्वाचन जुइत्यःगु दु। न्हुगु बानेश्वरया संघीय संसद् भवन ल्होत्से हलय् उपराष्ट्रपतिया लागि मतदान जुइत्यःगु दु।

सुथय् १० बजेनिसे न्हिनय् ३ बजेतक मतदानया व्यवस्था जूगु दु धका निर्वाचन अधिकृतया कार्यालयं धाःगु दु। निर्वाचनया दक्को तयारी पूरा जुइ धुकुगु दु धका सहायक निर्वाचन अधिकृत अमृताकुमारी शर्मा न जानकारी बिःगु दु।

मतदान क्वचायवं हे मतगणना सुरु जुइ व बहनि ६ बजे दुने हे निर्वाचन परिणाम सार्वजनिक यायेगु तयारी दु धका शर्मां धाःगु दु। उपराष्ट्रपति पद निर्वाचनया लागि नेकपा एमालेया अष्टलक्ष्मी शाक्य (बोहरा), सत्ता गठबन्धनपाखे जसपाया रामसहायप्रसाद यादव, जसपाया हे प्रमिला कुमारी यादव व जनमत पाटीया ममता झा याना प्यम्हेसिगु उम्मेदवारी दु।

Categorized in राष्ट्रिय