नवनिर्वाचित उपराष्ट्रपति रासहायप्रसाद यादवं संविधान रक्षा व पालना यासे देशया राष्ट्रिय एकता मजबुत यायेगु निति इमानदारीपूर्वक न्ह्यावने धका धयादीगु दु।

म्हिगः शुक्रबाः निर्वाचित जुइ धुका संचारकःमिपि नाप खँ ल्ह्यायेगु झ्वलय् यादवं

धाःगु दु, ‘नेपाःया संविधान, ऐन, कानुन बमोजिम थःगु भूमिका निर्वाह याये। उपराष्ट्रपति पदया ज्या, कर्तव्य व अधिकार कथं भूमिका निर्वाह याये।’ शान्ति प्रक्रिया निष्कषय् थ्यकेत थःपाखे माःगु कुतः यासे इमानदारीपूर्वक भूमिका निर्वाह याये धका धयादीगु दु। शुक्रबाः जुगु निर्वाचनय् जनता समाजवादी पार्टी (जसपा)या उम्मेदवार यादव ३० हजार ३२८ मतभारया नाप उपराष्ट्रपति निर्वाचित जुयादीगु खः।

नेपाली कांग्रेस, माओवादी केन्द्र, एकीकृत समाजवादी लगायतया दलपिनिगु समर्थन दुगुलि वयकलं १८४ संघीय सांसद व ३२९ प्रदेशसभा सदस्यपिनिगु मत काःगु खः।

Categorized in राष्ट्रिय