इन्टरनेशनल क्रिमिनल कोर्ट (आईसीसी) नं रुसी राष्ट्रपति भ्लादिमिर पुटिनविरुद्ध पक्राउ पुर्जी जारी याःगु दु।

आईसीसीं पुटिनविरुद्ध युद्ध अपराधया द्धपः बिउसे, उकिइ मस्तय्त गैरकानुनी रुपमा युक्रेनपाखे रुस छ्वःगु धका बीबीसीं धाःगु दु। रुसं २४ फेब्रुअरी २०२२ निसे युक्रेनय् आक्रमण सुरु याःगु दु।

अय्न उगु आक्रमणया झ्वलय् युद्ध अपराध जूगु द्धपः अस्वीकार याना वयाच्वंगु खः। पक्राउ पुर्जीबारे टिप्पणी यासे रुसी विदेश मन्त्रालयया प्रवक्ता मारिया जखारोवां ‘इन्टरनेशनल क्रिमिनल कोर्टया फैसला झीगु देशया लागि कानुनी रुपं छु न अर्थ मदु’ धका वयकलं धाःगु दु।

Categorized in अन्तर्राष्ट्रिय