नवनिर्वाचित उपराष्ट्रपति रामसहाय प्रसाद यादवं सोमबाः पद व गोपनीयताया शपथ काइगु जुगु दु।

राष्ट्रपति रामचन्द्र पौडेलया न्ह्यने सोमबाः सुथय् १० बजे राष्ट्रपति भवन शीतल निवासय् शपथग्रहणया ज्याझ्वः क्वछिगु दु।

यादव थ्व हे वंगु चैत ३ गते उपराष्ट्रपति पदय् निर्वाचित जूगु खः। निवर्तमान उपराष्ट्रपति नन्दबहादुर पुनया कार्यकाल म्हिगः चैत ४ य् क्वचाःगु खः।

निर्वाचन आयोगं राष्ट्रपति पौडेलयात उपराष्ट्रपति निर्वाचनया मत परिणाम नाप प्रतिवेदन थौं लःल्हायेत्यःगु खः।

Categorized in राष्ट्रिय