वाःया न्हापागु दिं थौं शेयर बजाः भचा घटे जूगु दु।

शेयर बजाः परिसूचक नेप्से थौं ६ दशमलव ९० विन्दुं कुहावया १ हजार ९ सय २६ दशमलव ४० विन्दुइ कुहावःगु दु।

जलविद्युत्, होटल व निर्जीवन बीमा समूहया शेयर सामान्य थहावंगु दु सा मेगु समूहया शेयर घटे जूगु दु। २ सय ५९ गु कम्पनीया ३१ लाख ६३ हजार कित्ता शेयर १ अर्ब ६ करोड ९८ लाख रुपैयाँ न कारोबार जूगु दु।

दकलय् अप्पो हिमालयन डिष्टिलरीया ६ करोड रुपैयाँ याःगु शेयर किनबेच जूगु खः। थौं दकलय् अप्पो सृजनशील लघुवित्तया शेयर साढे ७ प्रतिशतं घटे जूगु खः।

समग्र बजाः घटे जूसा थौं शुभम् पावर कम्पनी, मानुषी लघुवित्त व युनिक नेपाल लघुवित्त कम्पनीया शेयर १० प्रतिशतं थहावःगु दु।

Categorized in राष्ट्रिय