प्रधानमन्त्री पुष्पकमल दाहाल प्रचण्डं थौं प्रतिनिधि सभाय् विश्वासया मत काइगु जुगु दु।

न्हिनसिया १ बजे च्वनिइगु बैठकय् प्रधानमन्त्री प्रचण्डं विश्वासया मत काइगु जुगु दु। थ्व स्वया न्ह्यः वंगु पुस १० गते प्रधानमन्त्री नियुक्त जुगु इलय् प्रचण्डं पुस २६ गते विश्वासया मत काःगु खः।

उगु इलय संसद बैठकय् उपस्थित २७० सांसदपि मध्ये प्रचण्डं २६८ मत काःगु खः। उगु इलय् सत्ता गठबन्धनय् दुगु नेकपा एमाले, राप्रपानाप प्रतिपक्ष नेपाली कांग्रेसं तक प्रचण्डयात विश्वासया मत बिःगु खः।सत्ता समीकरण हिलेवं एमाले व राप्रपां सरकारयात समर्थन लितकया सरकारं पिहावनेवं प्रचण्डं हाकन विश्वासया मत कायेत्यःगु खः।

समर्थन याःगु दलं समर्थन लितकायेवं ३० दिं दुने विश्वासया मत कायेमाःगु संवैधानिक व्यवस्था दु । विश्वासया मत निति प्रचण्डं कम्ति न १३८ मत कायेमाः।

Categorized in राष्ट्रिय