उपराष्ट्रपति पदय् निर्वाचित जूम्ह रामसहाय प्रसाद यादवं थौं पद व गोपनीयताया शपथ ग्रहण याइगु जुगु दु।

थौं सुथय् १० बजे शीतल निवासय् शपथ ग्रहणया ज्याझ्वः दु। राष्ट्रपति रामचन्द्र पौडेलं उपराष्ट्रपति यादवयात शपथ याकिइगु जुगु दु।

जनता समाजवादी पार्टी (जसपा) पाखे उम्मेदवार जूम्ह यादव वंगु चैत ३ गते उपराष्ट्रपति पदय् निर्वाचित जूगु खः।

निवर्तमान उपराष्ट्रपति नन्दबहादुर पुन पासाङया कार्यकाल चैत ४ गते क्वचाःगु खः।

Categorized in राष्ट्रिय