महान्यायाधिवक्ता दिनमणि पोखरेलं राष्ट्रिय स्वतन्त्र पार्टीया सभापति रवि लामिछानेविरुद्ध राहदानी ऐन विपरीतया कसूरय् मुद्दा न्ह्याकेफइ मखु धका निर्णय याःगु दु।

पूर्वउपप्रधानमन्त्री नाप गृहमन्त्री लामिछानेयात द्धपः बिःगु पुष्टि जुइफुगु निष्कषनापं प्रहरी न लःल्हाःगु खँय् अनुसन्धान प्रतिवेदनया आधारय् महान्यायाधिवक्तां मुद्दा मन्ह्याकेगु निर्णय याःगु दु धका कार्यालयया प्रवक्ता सञ्जीवराज रेग्मीं धाःगु दु।

लामिछानें मखुगु विवरण पेश याःगु पुष्टि मजुगुलि मुद्दा न्ह्याकेम्वाःगु प्रहरीं राय बिःगु खः। छ न फौजदारी कसुर जुइत जाहेरीया आधारय् मुद्दा न्ह्याकेमाःसा प्रहरीं पेश याःगु प्रतिवेदनय् जिल्ला सरकारी वकिलं निर्णय यायेमाःगु व्यवस्था दु।

अमेरिकाया नागरिकता कायेधुका ११ मे २०१५ (२८ वैशाख २०७२) य् नेपाः लिहावःगु व जेठ १३ गते पुलागु हे नागरिकता क्यना नेपाःया राहदानी काःगु खः। लामिछाने नेपाः लिहावःगु इलय् अमेरिकाया नागरिकता त्यागे याःगु मदु खः।

Categorized in राष्ट्रिय