प्रधानमन्त्री पुष्पकमल दाहाल प्रचण्डबिरुद्ध बानेश्वरय् नाराबाजी यागु दु। ५८ क्वःगु अन्तर्राष्ट्रिय जातीय भेदभाव उन्मुलन सार्वजनिक समारोहय् वनाच्वःगु इलय् स्वम्हेसिया प्रधानमन्त्री बिरुद्ध नाराबाजी याःगु खः।

ज्याझ्वलय् छम्हेसिया थःगु खँ तये दय्माःगु धका इनाप याःगु खः। तर प्रहरीं उम्ह मनूयात ज्वनेत स्वयेवं प्रचण्डबिरुद्ध नाराबाजी याना बिरोध याःगु खः। अथे छम्हेसिया म्हुतुप्वाः तिइ दइमखु धका नारा थ्वयकूगु खः। निम्हेसित प्रहरीं गाडीइ तयेवं उपि निम्हेसिया न मूल्यवृद्धि खारेज गर्, नालयक सरकार होसियार, ल्याय्म्हपिन्त स्याये दइमखु थज्याम्ह सरकार माःगु मदु, ७७ जिल्लाय् च्वपि ल्याय्म्ह छवाः जू धका नाराबाजी याःगु खः।

उमित प्रहरीं नियन्त्रणय् काय्वं प्रधानमन्त्री प्रचण्ड ज्याझ्वलय् थ्यःगु खः। प्रधानमन्त्री दाहाल ज्याझ्वलय् वनाच्वंगु इलय् वया न्ह्यने हे छम्हेसिया बैंकया मिटर ब्याज मिनाह याः धका नारा थ्वय् कूगु खः। वयात न प्रहरीं अन हे नियन्त्रणय् काःगु खः।

Categorized in राष्ट्रिय