२०८१ आषाढ ११, मंगलबार

रास्वपां स्वंगू थासय् उम्मेदवार थनिइगु

लहनान्युज | चौलाथ्व तृतीया ११४३, चैत्र १० शुक्रवाः

निर्णय राष्ट्रिय स्वतन्त्र पार्टीं बैसाख १० गते जुइगु उपनिर्वाचनय् स्वंगु क्षेत्रय् उम्मेदवार थनिइगु निर्णय याःगु दु।

शुक्रबाः च्वंगु केन्द्रीय समिति बैठकं उपनिर्वाचन जुइगु चितवन–२, तनहुँ–१ व बारा–२ य् उम्मेदवारी बिइगु निर्णय याःगु दु धका सहमहामन्त्री कविन्द्र बुर्लाकोटीं जानकारी बिःगु दु। बैठकं उपनिर्वाचन जुइ ग्स्वंगु हे थासय् निर्वाचन परिचालन समिति न गठन याःगु दु।

चितवनय् उपसभापति डोलप्रसाद अर्याल, तनहुँइ सहमहामन्त्री कबिन्द्र बुर्लाकोटी व बाराय् गणेश कार्की संयोजक क्वछिगु दु।

Categorized in राजनीति