सत्ता साझेदार दल दथुइ थौं न्हिनय् ४ बजे बैठक च्वनिइगु जुगु दु।

प्रधानमन्त्री निवास बालुवाटारय् गठबन्धनया शीर्ष स्वंगु दलया शीर्ष नेतापिनिगु बैठकं मन्त्रालय भागबन्डा क्वछिट थौं साझेदार दलपि दथुइ बैठक च्वनिइगु निर्णय जूगु दु।

बैठकय् मन्त्रिपरिषद् विस्तार लगायत विषय छलफल यायेत्यःगु खः। बैठकं मन्त्रालयया भागबन्डा व मन्त्रीपिनिगु नां टुंग्ये यायेगु तयारी नेतापिनिगु दु। बैठकय् दलया नेतापि दथुइ मन्त्रालयया भागबन्डा मिले याये धुका प्रधानमन्त्री प्रचण्डं थौं हे मन्त्रिपरिषद् विस्तार यायेगु तयारी दु ।

प्रधानमन्त्री प्रचण्डं विश्वासया मत कायेधुका सत्तागठबन्धन आबद्ध दलपि दथुइ भागबन्डाया खँ मिले मजुगुलि सरकार विस्तारय् लिपागु खः।

Categorized in राष्ट्रिय