कोशी प्रदेशया नां याःगु विरोधय् आन्दोलन जुयाच्वंगुलि प्रदर्शनकारी व प्रहरी दथुइ विराटनगरय् ल्वापू जुगु दु।

कोशी प्रदेश नामकरणया विरोधय् जुयाच्वंगु प्रदर्शनय् प्रदर्शनकारीपिन्स आप्पां क्यकेवं प्रहरीले लाठी चार्ज याःगु दु।

आः प्रहरीं छु राउन्ड अश्रु ग्यास प्रहार याये धुकुगु दु धका जिल्ला प्रहरी कार्यालय मोरङं धाःगु दु। घटनाय् छु भचा प्रदर्शनकारीपि न घाःपाः जुगु दु।

घटनाया थप विवरण वये ल्यःदनिइ। प्रदेश सभां प्रदेशया नां कोशी तःगुलि उकिया विरोधय् पहिचान पक्षधरपि आन्दोलन यानाच्वंगु खः।

छु दिं न्ह्यः जक आन्दोलनया झ्वलय् घाःपाः जूम्ह पदम लिम्बु उपचारया झ्वलय् मदुगु खः।

Categorized in राष्ट्रिय