प्रधानमन्त्री निवास बालुवाटारय् सत्तारुढ गठबन्धनया नेतापिनिगु बैठक सुरु जूगु दु। सरकारया न्युनतम मंकाः ज्याझ्वःया विषय सहलह यायेत च्वंगु बैठक दु धका छम्ह नेतां धाःगु दु।

वंगु पुस १० गते दयकूगु सत्ता समीकरण राष्ट्रपति निर्वाचन न्ह्यः खँ मिलेमजुया आः हाकन मेगु न्हुगु गठबन्धन दयकूगु खः। आः न्युनतम मंकाः ज्याझ्वः दयकेगु  तयारी यायेत्यःगु दु।

न्युनतम मंकाः ज्याझ्वःया निति सहमति जुइ धुका जक मन्त्रिपरिषद विस्तार यायेमाःगु गठबन्धन दलय् आवद्ध नेतापिन्स धाःगु दु।

थौं च्वंगु बैठकय् प्रधानमन्त्री पुषपकमल दाहाल प्रचण्ड, नेपाली कांग्रेस, नेकपा माओवादी केन्द्र, जनता समाजवादी पार्टी, नेकपा एकीकृत समाजवादी, जनमत पार्टी, लोकतान्त्रिक समाजवादी पार्टी, नागरिक उन्मुक्ति पार्टी, राष्ट्रिय जनमोर्चा, नेपाल समाजवादी पार्टी व आम जनता पार्टीया नेतापि सहभागी जूगु खः।

Categorized in राष्ट्रिय