२०८१ जेठ ७, सोमबार

मिटरब्याज पीडित प्यम्ह अस्पतालय् भर्ना

लहनान्युज | चौलाथ्व नवमी ११४३, चैत्र १६ बिहीवाः

येँ आन्दोलन यानाच्वपि प्यम्ह मिटरब्याज पीडित अस्पतालय् भर्ना जूगु दु। १२ दिं बिकां महोत्तरीनिसे न्यासिवाय येँ वःपि ७३ म्ह मध्ये करिब ५५ म्ह मंगलबाः बहनिनिसे अस्वस्थ जूगु दु।

उमित वीर अस्पतालया चिकित्सकपिन्स शिविरय् व वना जाँच यानाच्वंगु दु। उकि मध्ये गुम्हेसित थप स्वास्थ्य परीक्षणया लागि अस्पताल रिफर जुगु दु धका संघर्ष समितिं धाःगु दु। ‘अस्पतालं गुम्ह मध्ये न्याम्ह लिवावःगु दु’ संघर्ष समितिं धाःगु दु, ‘ल्यः दुपि प्यम्ह स्वास्थ्य परीक्षण जुयाच्वंगु दु।’

Categorized in राष्ट्रिय