२०८० चैत्र १६, शुक्रबार

मिटरब्याज कारोबारय् नियन्त्रण सरकारं प्रभावकारी पलाः ल्ह्वनेमाः —एमाले अध्यक्ष ओली

लहनान्युज | चौलाथ्व नवमी ११४३, चैत्र १६ बिहीवाः

नेकपा एमालेया अध्यक्ष नाप पूर्वप्रधानमन्त्री केपी शर्मा ओलीं मिटरब्याज कारोबारयात नियन्त्रण यायेत सरकारं प्रभावकारी पलाः ल्ह्वनेमाः धका धाःगु दु।

थौं जुगु छगु ज्याझ्वलय् वयकलं सरकारं मिटरब्याजीपिन्त कारबाही यायेमाः धका धयादीगु खः। ‘जिमिसं मिटरब्याज पीडितपिनिगु बारेय् सरकारया ध्यानाकर्षण यानागु दु। आः न सरकारयात धाये चाहे जू, सरकारं ध्यान बिया मिटरब्याजीपिन्त कारबाही यायेमाः’, वयकलं धयादीगु दु। जिल धका गनं न ऋण काये मज्यु धका धयादीसे अध्यक्ष ओलीं मिटरब्याज काःपि ऋणीपि सचेत जुइमाःगु आवश्यक दु धका धाःगु दु।

‘अफ्ठ्यारो जुल धका अज्यागु ब्याजय् सही यायेगु, छुकय् ल्हाचिं तयागु मसिकं मिटरब्याजी कारोबार यायेत मञ्जुर मेपिन्स यायेमज्यु। मिटरब्याजया पीडित सू खः, उपिन्स हे बिचाः यायेमाः’ ओलीं धाःगु दु, ‘मिटरब्याजय् ध्यवा बिइ धुका बिइपिन्स कायेगु कुतः ला याइगु हे जुल। सहमति न हे उगु कथं जुइ। झीसं सू न मिटरब्याजया कारोबारय् फसेजुइ मज्यु। मिटरब्याजय् ध्यवा कायेमज्यु। थः हे सचेत जुइमाः।’

Categorized in राजनीति