२०८० चैत्र १६, शुक्रबार

नेप्से दोहोरो अङ्कं कुहावल

रसिया श्रेष्ठ | चौलाथ्व नवमी ११४३, चैत्र १६ बिहीवाः

शेयर कारोबार जुइगु थौं लिपागु दिं दोहोरो अङ्कं कुहावःगु दु। शेयर बजाः परिसूचक नेप्से थौं बिहीवाः १० दशमलव ८७ अङ्कं कुहावया १ हजार ९ सय ८ दशमलव ५६ विन्दुइ कुहावःगु दु।

थौं होटल व म्युचल फन्डबाहेक मेगु दक्को समूहया शेयर सामान्य घटे जूगु दु। बजाः नाप कारोबार रकमय् न कम जूगु दु। २५४ गु कम्पनीया २७ लाख ५० हजार कित्ता शेयर ८९ करोड ९५ लाख रुपैयाँया कारोबार जूगु दु। दकलय् अप्पो शिवम् सिमेन्टया ५ करोड रुपैयाँया शेयर किनबेच जूगु दु।

दकलय् अप्पो आदर्श लघवित्तया शेयर खुगु प्रतिशतं कुहावःगु दु। समग्र बजाः कुहावसां दकलय् अप्पो सुपरमाई हाइड्रोपावर कम्पनीया शेयर १० प्रतिशत व कालिञ्चोक दर्शन प्रालीया शेयर खुगु प्रतिशतं थहावंगु दु।

Categorized in राष्ट्रिय