साविक विजेता गुजरात टाइटन्सं इन्डियन प्रिमयर लिग (आईपीएल) या १६ क्वःगु संस्करणया उलेज्या कासाय् उद्घाटन चेन्नाई सुपर किंग्सयात न्यागु विकेटं पराजित यासे विजयी सुरुआत याःगु दु।

थःगु हे घरेलु मैदान नरेन्द्र मोदी स्टेडियमय् जूगु कासाय् चेन्नाई न बिगु १७८ रनया लक्ष्य गुजरातं १९.२ ओभरय् ५ विकेटं पूरा याःगु खः। गुरजातया लागि ओपनर शुभमन गिलं ३६ बलय् ६ चौका व ३ छक्काया ग्वहालिं दकलय् अप्पो ६३ रन दयकूगु खः। विजय शंकरं २१ बलय् २७, ऋद्धिमान शाहं १६ बलय् २५ व साई सुदर्शनं १७ बलय् २२ रन दयकूगु खः।

केन विलियम्सन फिल्डिङ यायेगु झ्वलय् घाःपाः जुइवं साई सुदर्शन इम्प्याक्ट प्लेयर मैदानय् दुहावःगु खः। गुजरातया लागिु तेवाटियां १४ बलय् १ चौका व १ छक्का ग्वहालिं अविजित १५ रन, रासिदं ३ बलय् अविजित १० रन दयकूगु खः।

चेन्नाईया लागि आईपीएलय् डेब्युयाम्ह राजवर्धन हंगारगेकरं स्वंगू व तुसार देशपाण्डे व रविन्द्र जडेजां छगु छगु विकेट काःगु खः।

टस त्याकां न्हापां ब्याटिङ याःगु चेन्नाई न २० ओभरय् ७ विकेटय् १७८ रन दयकूगु खः। चेन्नाईया लागि ओपनर रुतुराज गायकवाड ९२ रन, मोईन अलिं २३ व शिबम दुवे न १९ रन व कप्तान महेन्द्रसिंह धोनीं अविजित १४ रन दयकूगु खः ।

गुजरातया मोहम्मद सामी, रासिद खान व अल्जारी जोसेफं निगु निगु विकेट काःगु खः । रासिद खान प्लेअर अफ दि म्याच घोषित जूगु खः।

Categorized in कासा