सत्तासाझेदर दल नेपाली कांग्रेसं बारा क्षेत्र नम्बर–२ य् जनता समाजवादी पार्टी (जसपा)या उम्मेदवारयात ग्वाहालि यायेगु निर्णय याःगु दु।

आइतबाः पार्टी कार्यालय सानेपाय् च्वंगु केन्द्रीय कार्यसम्पादन समितिया बैठकं अथे निर्णय याःगु दु धका सहमहामन्त्री जीवन परियारं जानकारी बिःगु दु।

कांग्रेसं वइगु वैशाख १० गते जुइगु उपनिर्वाचनया लागि तनहुँ–१ व चितवन–२ य् थ्व स्वया न्ह्यः हे उम्मेदवार क्वछिइ धुकुगु दु। बारा–२ य् जसपाया अध्यक्ष उपेन्द्र यादव सत्ता गठबन्धनपाखे मंकाः उम्मेदवार यायेगु तयारी दु ।

Categorized in राजनीति