भारतया पूर्व क्रिकेटर सलिम दुरानी मन्त। अलराउन्डर क्रिकेटरय् बिस्क म्हसिका दुम्ह दुरानी ८८ दँय् मदुगु खः।

आक्रामक खवं ल्हाःया बलर व ब्याटर दुरानीं २९ गु टेस्ट म्हितूगुलि १ हजार २०२ रन दयकूगु दु सा ७५ विकेट काःगु दु धका ईएसपीएनं धाःगु दु।

सन् १९७१ य् वेस्ट इन्डिजय् भारतयात न्हापागु टेस्ट क्रिकेट त्याकेगुलि वयकःया ग्वाहालि लुमकेबहःजुगु कासा खः। पोर्ट अफ स्पेनय् जुगु निगुगु इनिङय् भारत ७ विकेटं त्याःगु खः।

उगु कासाय् दुरानीं १७ ओभरय् जम्मा २१ रन बिःगु खः। दुरानी भारतया गुजरातस्थित थः किजाया छेँय् च्वनाच्वंगु खः।

Categorized in कासा