२०८० चैत्र १५, बिहिबार

आईपीएल राजस्थान रोयल्स ७२ रन बिजयी

राम डंगोल | चौलाथ्व द्धादशी ११४३, चैत्र २० सोमवाः

इन्डियन प्रिमियर लिग (आईपीएल) टी–२० क्रिकेटय् राजस्थान रोयल्सं सनराइजर्स हैदराबादयात बूकुगु दु। आइतवाः बहनि जुगु न्हापागु कासाय् राजस्थानं हैदराबादयात ७२ रनं पराजित याःगु खः।

राजस्थानं बिउगु २ सय ४ रनया लक्ष्य हैदराबादं निर्धारित २० ओभरय् ८ विकेट गुमे याना १ सय ३१ रन जक जक दयकूगु खः। सनराइजर्सया लागि अब्दुल समादं नटआउट ३२ व मयंक अग्रवालं २७ रन दयकूगु खः। राजस्थानया युजवेन्द्र चहलं प्यंगु व ट्रेन्ट बोल्टं निगु बिकेट काःगु खः।

हैदराबादं टस बूया न्हापां ब्याटिङ याःगु खःसा राजस्थानं २० ओभरय् ५ विकेट गुमेयाना २ सय ३ रन दयकूगु खः। सन्जु सामसनं ५५, यशस्वी जयसवाल व जस बटलरपिन्स ५४÷५४ रन दयकूगु खः।

हैदरावादया थंगरसु नटराजन व फजलहक फरुकीपिन्स निगु निगु विकेट काःगु खः। थुगु कसालिपा राजस्थान २ अङ्क जुगु दु।

Categorized in कासा