इन्डियन प्रिमियर लिग आईपीएल क्रिकेटय् बेङ्लोरं मुम्बई इन्डियन्सयात च्याःगु विकेटं बूकुगु दु। वंगु चान्ह्यः जुगु कासाय् मुम्बइ न बिउगु १ सय ७२ रनया विजयी लक्ष्य बेङ्लोर न १६ ओभर २ बलय् निगु विकेट गुमे याना त्याकूगु खः।

बेङ्लोरया लागि विराट कोहलीं दकलय अप्पो ८२ रन दयकूगु खः। अथेहे, फाफ डु प्लेसिसं ७३ व ग्लेन म्याक्स वेलं १२ रन दयकूगु खः। मुम्बईया अर्शद खान व क्यामरोन ग्रीनं छगु छगु विकेट काःगु खः। टस बूया न्हापां ब्याटिङ याःगु मुम्बई न निर्धारित २० ओभरय् न्ह्यगू विकेटय् १ सय ७१ रन दयकूगु खः।

मुम्बईया लागि तिलक बर्मा न ८४ रन दयकूगु खः । अथेहे, मुम्बईया नेहाल वाधेरां २१ रन, अर्शद खान, सूर्यकुमार यादवं १५ व ईशान किसनं १० रन दयकूगु खः। बेङ्लोरया लागि कर्ण शर्मा न निगु विकेट, मोहम्मद शिराज, रिस टोप्ली, आकाश दीप, हर्षल पटेल व माइकल ब्रेसवेलं छगु छगु विकेट काःगु खः।

आईपीएल क्रिकेटय् थौं चेन्नई सुपर किङ्ग्स व लखनउ सुपर जायन्टस् ७ः४५ बजे चेन्नईलय् जुइगु दु।

Categorized in कासा