इडियन प्रिमियर लिग (आईपीएल) क्रिकेटय् साविक विजेता गुजरात टाइटन्सं लगातार त्याःगु दु। वंगु चान्ह्यः जूगु कासाय् दिल्लीया घरेलु मैदान अरुण जेट्ली स्टेडियमय् जूगु कासाय् गुजरातं दिल्ली क्यापिटल्सयात खुगु विकेटं बूकुगु दु।

दिल्लीं बिःगु १ सय ६३ रनया लक्ष्य गुजरातं १८ ओभर १ बलय् प्यंगु विकेट गुमे याना पूरा याःगु खः। गुजरातया साई शुदर्शनं ६२, डेभिड मिलरं ३१ व विजय शंकरं २९ रन दयकूगु खः। दिल्लीया एनरिक नोर्कियां निगु, खलिल अहमद व मिचेल मार्शं छगु छगु विकेट काःगु खः।

टस बूया न्हापां ब्याटिङ याःगु दिल्लीं २० ओभरय् ८ विकेट गुमे याना १ सय ६२ रन दयकूगु खः। दिल्लीया कप्तान डेभिड वार्नरं ३७ व अक्षर पटेलं ३६ रन दयकूगु खः ।

गुजरातया मोहम्मद शमी व राशिद खानं स्वंगु स्वंगु नाप अल्जारी जोशेफं निगु विकेट काःगु खः। थुगु कासालिपा गुजरात ४ अङ्कं नाप शीर्ष स्थानय् लाःगु दु।

Categorized in कासा