कर्णाली प्रदेश सरकारपाखे एमाले पिहावःगु दु। सरकारय् सहभागी जूपि स्वम्ह मन्त्रीपिन्स मुख्यमन्त्री राजकुमार शर्मायात राजीनामा बिइवं एमाले सरकारपाखे पिहावःगु दु।

आर्थिक मामिला नाप योजना मन्त्री विनोदकुमार शाह, सामाजिक विकास मन्त्री टेकराज पछाई व उद्योग, पर्यटन, वन नाप वातावरण मन्त्री जीतबहादुर मल्लपिन्स मुख्यमन्त्री शर्मायात नापलाना राजीनामा लःल्हाःगु खः।

वंगु पुस २७ गते नेकपा एमाले, माओवादी केन्द्र, राप्रपा, एकीकृत समाजवादीया समर्थनय् माओवादी संसदीय दलया नेता राजकुमार शर्मा मुख्यमन्त्री नियुक्त जूगु खः।

४० म्ह सदस्यीय कर्णली प्रदेश सभाय् नेपाली कांग्रेसया १४, नेकपा माओवादी केन्द्रया १३, एमालेया १०, राष्ट्रिय प्रजातन्त्र पार्टी, एकीकृत समाजवादी व स्वतन्त्र छम्ह छम्ह सांसदपि दु।

Categorized in राजनीति