इन्डियन प्रिमियर लिग (आईपीएल)य् पञ्जाव किंग्सया अपराजित यात्राय् दिपाः वःगु दु। म्हिगः जूगु कासाय् सनराइजर्स हैदरावादं थुगु सिजिनय् न्हापां त्याकूगु खः।

म्हिगः चान्ह्यः जूगु कासाय् मायांक मार्कन्डे व राहुल त्रिपाटीपि मिले जुया हैदरवादां पञ्जावयात ८ विकेटं याउक बूकुगु खः। मदिक्क निगु कासा बुनाच्वंगु हैदरवादं न्हापां कासा त्याकां २ अंक काःगु दु। पञ्जावया स्वगू कासा लिपा ४ अंक जूगु दु। घरेलु मैदान राजीव गान्धी स्टेडियमय् हैदरवादं १४४ रनया लक्ष्य १७.१ ओभरय् निगु विकेट गुमेयाना पूरा याःगु खः।

राहुल त्रिपाटीं अविजित ७४ रन, कप्तान अइडन मारक्रमं २१ अविजित ३७ रन दयकूगु खः । निम्हेसिया अविजित १०० रनया साझेदारी याःगु खः। ओपनर मयंक अग्रवालं २१ व ह्यारी ब्रुकं १३ रन दकूगु खः।

पञ्जावया लागि अर्शदिप सिंह व राहुल चाहारं छगू छगू विकेट काःगु खः। टस बुया न्हापां ब्याटिङ याःगु पञ्जावं कप्तान शिखर धवनं अविजित ९९ रनया ग्वाहालिं ९ विकेटय् १४३ रन दयकूगु खः।

Categorized in कासा