२०८० चैत्र १६, शुक्रबार

आईपीएलय् मुम्बइ न लिपागु बलय् त्याकल

राम डंगोल | चौलागा षष्ठी ११४३, चैत्र २९ बुधवाः

इन्डियन प्रिमियर लिग (आईपीएल) य् मुम्बइ इन्डियन्सं मंगलबाः जुगु कासाय् दिल्ली क्यापिटल्सयात लिपागु बलय् पराजितयासे न्हापागु कासा त्याकूगु दु। स्वगु कासा लिपा मुम्बईया २ अंक जूगु दु।

घरेलु मैदान अरुन जेट्ली स्टेडियमय् ६ विकेटं दिल्लीयात बूकुगु खः। दिल्लीं बिःगु १७३ रनया लक्ष्य मुम्बइ न दलकय् लिपागु बलय् पूरा याःगु खः। लिपागु ओभरय् त्याकेगु निति न्यागु रन जक माःगु इलय् दिल्लीया एनरिक नोर्कियां सुरु पाँच बलय् ३ रन जक बिगू खःसा लिपागु बलय् २ रन माःगु खः।

डेविडं २ रन कया मुम्बइयात बिजयी याकूगु खः। टिमं ११ बलय् अविजित १३ रन, कप्तान रोहित शर्मां ४५ बलय् दकलय् अप्पो सर्वाधिक ६५ रन, तिकल बर्मां ४१ व इशान किसनं ३१ रन दयकूगु खःसा कयामरुन ग्रीनं ८ बलय् अविजित १७ रन दयकूगु खः। दिल्लीया मुकेश कुमारं निगु व मुस्तापिजर रहमानं १ विकेट काःगु खः।

टस बूया न्हापां ब्याटिङ याःगु दिल्लीं २ बल ल्यःदुगु इलय् दक्को विकेट गुमे याना १७२ रन दयकूगु खः। दिल्लीया लागि अक्षर पटेलं २५ बलय् दकलय् अप्पो ५४ रन, कप्तान डेविड वार्नर ४७ बलय् ५१ रन व मनिस पाण्डे न २६ रन दयकूगु खः।

मुम्बइया जासोन बेहरनडोर्फ व पियुष चावलां स्वगू स्वगू विकेट व राइले मेरेडिथं निगु विकेट काःगु खः।

Categorized in कासा