शेयर बजाः थौं बुधवाः थहावंगु दु। ब्याजदर घटे यायेगु बैंकर्स सङ्घया निर्णय व आर्थिक क्षेत्र सुधारया लागि सरकारया सक्रियता जूगु कारण शेयर बजाः थौं थहावंगु खः।

नेप्से थौं ९२ दशमलव २२ अङ्कं थहावना १ हजार ९ सय ६३ दशमलव ५५ विन्दुइ थ्यःगु दु। दक्को समूहया शेयर थहावगुलि जलविद्युत्, होटल, माइक्रोफाइनान्स व उत्पादन समूहयो शेयर थहावंगु दु।

थौं बजाःया कारोबार रकमय् न सुधार जूगु दु। २६७ गु कम्पनीया ६१ लाख ७ हजार कित्ता शेयर १ अर्ब ९७ करोड ६० लाख रुपैयाँया कारोबार जूगु दु।

दकलय् अप्पो शिवम् सिमेन्टया शेयर ११ करोड ७१ लाख रुपैयाँया कारोबार जूगु दु। आदर्श लघुवित्त, गणपति लघुवित्त, खप्तड लघुवित्त व कालिञ्चोक दर्शन लिमिटेडया शेयर १० प्रतिशतं थहावंगु दु।

अथेहे झीगु कम्पनीया शेयर ९ प्रतिशत स्वया अप्पो थहावंगु दु।

Categorized in राष्ट्रिय