नेपाल उद्योग वाणिज्य महासंघया वरिष्ठ उपाध्यक्ष पदय् अञ्जन श्रेष्ठ व उमेशलाल श्रेष्ठ दथुइ हाकन प्रतिस्पर्धा जुइगु दु। मेम्ह प्रत्यासी रामचन्द्र संघाइ धाःसा प्रतिस्पर्धापाखे पिहावंगु दु।

बुधबाः जूगु निर्वाचनया दक्को मत परिणाम थौं सुथय् सार्वजनिक जूगुलि सुयाःगु न ५० प्रतिशत मतभार कटे यायेमफुगुलि दकलय् अप्पो मत काःम्हल अञ्जन व उमेश दथुइ निगु चरणया निर्वाचन जुइगु दु।

अञ्जनं ३७.९९ प्रतिशत मत हःगु खःसा उमेशलालं ३१.७१ प्रतिशत मत हःगु खः। ३०.४६ प्रतिशत मत काःम्ह संघाइ निगु चरणया प्रतिस्पर्धापाखे पिहावःगु दु ।

महासंघया विधान कथं वरिष्ठ उपाध्यक्ष जूम्ह मेगु कार्यकाल लिपा स्वतः अध्यक्ष जुइगु व्यवस्था दु ।

Categorized in राष्ट्रिय