रत्न श्रेष्ठया बिस्काः जात्राया किपाः ब्बज्या
सृजनमान श्रेष्ठ | चौलागा अष्टमी ११४३, चैत्र ३० बिहीवाः
थिमीया बिस्काः जात्राया किपाः ब्बज्या थौं येँया बसन्तपुरय् जूगु दु। वरिष्ठ फोटोपत्रकार रत्नकृष्ण श्रेष्ठया बिस्काः जात्रा सम्बन्धी फोटो प्रदर्शनी थौं जुगु खः। मध्यपुर, थिमीइ दँय् दँसं चैत्र मसान्तनिसे बैशाख २ गतेतक स्वन्हुयकं बिस्काः जात्रा न्ह्याइगु याइ।
फोटो पत्रकारिताय् संलग्न श्रेष्ठं छगु दशकनिसे किपा संग्रहयासे बिस्काः जात्रा सम्बन्धी ९० गु किपाः थौं ब्बज्या यागु खः। फोटोपत्रकार श्रेष्ठं थिमीया बिस्काः जात्राया स्वरुप, विशेषता, रौनकता, धार्मिक, सांस्कृतिक प्रतिया आत्मियतायात मेपिन्स थुइकेबिःगु निति थौंया किपा ब्बज्या यानागु खः धका धयादीगु खः।
थौं बसन्तपुरय् जुगु किपा ब्बज्याया लागि मध्यपुर थिमी नगरपालिका, मध्यपुर थिमी पर्यटन विकास समितिं ग्वाहालि याःगु खः।
