२०८० चैत्र १६, शुक्रबार

आईपीएलय् क्रिकेटय् गुजरातं खुगु बिकेट त्याकल

राम डंगोल | चौलागा नवमी ११४३, बैसाख १ शुक्रवाः

इन्डियन प्रिमियर लिग (आईपीएल) क्रिकेटय् गुजरात टाइटन्सं पञ्जाब किङ्ग्सयात खुगु विकेटं बूकुगु दु।

वंगु चान्ह्यः जुगु कासाय् १ सय ५४ रनया लक्ष्य ज्वना वःगु गुजरातं १९ ओभर ५ बलय् ४ विकेटय् उगु लक्ष्य पुरा याःगु खः। गुजरातया शुभमन गिलं दकलय् अप्पो ६७ रन, ऋद्धिमान शाह ३० रनय् आउट जूगु खः।

पञ्जाबया साम करन, अर्शदीपसिंह, हरप्रित ब्रार व कागिसो रबाडापिन्स छगु छगु विकेट काःगु खः। मोहालीइ जूगु कासाय् टस बूया न्हापां ब्याटिङ याःगु घरेलु टोली पञ्जाबं निर्धारित २० ओभरय् ८ विकेटय् १ सय ५३ रन दयकूगु खः।

पञ्जाबया म्याथ्यु शर्टं दलकय् अप्पो ३६ रन व जितेश शर्मां २५ रन दयकूगु खः। गुजरातया मोहित शर्मां निगु विकेट, मोहम्मद शामी, जोशुवा लिटिल, अल्जारी जोशेफ व राशिद खानं छगू छगु विकेट काःगु खः। थुगु कासालिपा गुजरात प्यगु कासापाखे ६ अङ्क जूगु दु सा पञ्जाब प्यंगु कासाय् ४ अङ्क जूगु दु।

Categorized in कासा