इन्डियन प्रिमियर लिग (आईपीएल) क्रिकेटय् चेन्नई सुपर किङ्ग्सं रोयल च्यालेञ्जर्स बेङ्लोरयात ८ रनं बूकुगु दु। २ सय २७ रनया लक्ष्यय् बेङ्लोरं निर्धारित २० ओभरय् ८ विकेट गुमेयाना २ सय १८ रन दयकूगु खः।

बेङ्लोरया ग्लेन म्याक्सवेलं ७६ रन दयकूगु खःसा कप्तान फाफ डु प्लेसिस ६२ रनय् आउट जूगु खः। विराट कोहली ६ रनय् बोल्ड जूगु खः। चेन्नईया तुसार देशपान्डे न स्वंगु विकेट, मथिसा पाथिरानां निगु, आकाश सिंह, मोइन अली व महेष थिक्सेनापिन्स छगू छगू विकेट काःगु खः।

बेङ्लोरया घरेलु मैदानय् टस बूया न्हापां ब्याटिङ याःगु चेन्नई न निर्धारित २० ओभरय् खूगु विकेटय् २ सय २६ रन दयकूगु खः। चेन्नईया डेभन कन्वे न दकलय् अप्पो ८३ रन, शिवम् दुबे ५२ रनय् आउट जूगु खः। कप्तान महेन्द्रसिंह धोनी १ रनय् अविजित जूगु खः ।

बेङ्लोरया विजयकुमार वैश्यक, मोहम्मद शिराज, वेन पार्नेल, वानिन्दु हसरंगा, हर्षल पटेल व ग्लेन म्याक्सवेलपिन्स छगू छगू विकेट काःगु खः।

Categorized in कासा