जोशी रिसर्च सेन्टरया ग्वसालय् होटल हिमालयय् छगु ज्याझ्वः दथु कदम सिरपा नाप हरिराम जोशी संस्कृति सिरपा २०७९ लःल्हाःगु दु।

२०२४ य् स्थापना याःगु जोशी रिसर्च सेन्टरया संस्थापक इतिहास शिरोमणि हरिराम जोशी सिरपा थुगु दँय् संस्कृति सिरपा संस्कृतिविद् डा नयनाथ पौडेलयात लःल्हाःगु दु। अथेहे वयकःया जहानया नामं निस्वना तःगु कदम बाबा जोशीया लुमन्तिइ तयातःगु कदम सिरपा २०७९ नेपाःया न्हापाम्ह मिसा न्यायाधीश शारदा श्रेष्ठयात लःल्हाःगु दु।

पूर्व मन्त्री ऋध्दिबाबा प्रधानया सभाध्यक्षताय् जूगु उगु ज्याझ्वलय् मूपाहाँ सर्वोच्च अदालतया पूर्व प्रधान न्यायाधीस कल्याण श्रेष्ठं राज्यं यायेमाःगु ज्या जोशी रिसर्च सेन्टर यानाच्वंगु दु धका धयादीगु खः। “इतिहास व संस्कृति  यःगु बिषय खःसा थःम्हेसिया थुकिया न्ववाये मिलेमजू,“ वयकलं धयादीगु दु, “अय्न थुगु संस्थापाखे स्वयं इतिहास शिरोमणी हरिराम जोशीं रोलम्बा थे जाःगु इतिहासयात सोधमूलक पत्रिका प्रकाशन लगायत थुगु संस्कृति सिरपापाखे बिद्वतबर्गया लगनशीलतां समाजय् निरन्तर म्हसिका वयाच्वंगु दु, राज्य न वयकःयात विशेष कथं हनेमाः।“ धका वयकलं धयादीगु खः।

Categorized in राष्ट्रिय