२०८१ आषाढ १२, बुधबार

प्रधानमन्त्री प्रचण्ड व एमाले अध्यक्ष ओली दथुइ सिंहदरबारय् सहलह

लहनान्युज | तछलाथ्व पारु ११४३, बैसाख ८ शुक्रवाः

प्रधानमन्त्री पुष्पकमल दाहाल प्रचण्ड व नेकपा एमाले अध्यक्ष केपी शर्मा ओली दथुइ सहलह जूगु दु । थौं शुक्रबाः सिंहदरबारय् प्रचण्ड व ओली दथुइ सहलह जुगु खः।

प्रधानमन्त्रीया प्रेस संयोजक सूर्यकिरण शर्माया कथं प्रचण्ड व ओली दथुइ संवैधानिक नियुक्ति व संवैधानिक परिषद बैठकबारे सहलह जुगु खः।

प्रधानन्यायाधीश नियुक्तिया लागि बुधाबाः संवैधानिक परिषदया बैठक सःतूगु खः। उगु बैठकय् प्रधानन्याधीशया नां सिफारिस यायेगु सहमति जू सा न यायेमफुगु खः।

उगु बैठकय् एमाले अध्यक्ष ओलीं छु छु विषय असहमति क्यनेवं निर्णय मजूगु खः। परिषदया मेगु बैठक च्वनेन्ह्यः प्रधानमन्त्री प्रचण्डं ओलीनाप याकचा हे सहलह याःगु खः।

प्रमुख प्रतिपक्ष दलया नेता न संवैधानिक परिषदया सदस्य जुइगु व्यवस्था दु।

Categorized in राजनीति