उपचुनावया कारण चितवन व तनहुँया लँय् दक्को गाडी चले यायेगुलि रोक लगे याःगु दु। थौं सुथय् ६ बजेनिसे चितवनया क्षेत्र नम्बर–२ पाखे वनिइगु गाडी धादिङ व नवलपरासीइ गाडी रोके यानातःगु दु।

नवलपरासीपाखे गैँडाकोट, रजहर व कावासोतीइ न गाडी रोके यानातःगु दु। अथेहे, मकवानपुरया हेटौँडा जूया चितवन वनिइगु गाडी न रोके याःगु दु। थौं बहनि ५ बजे लिपा चुनाव क्वचाये धुका ६ बजेलिपा गाडी चले याकेबिइगु धका ट्राफिक प्रहरीं धाःगु दु।

अत्यावश्यक सेवाया गाडी एम्बुलेन्स, फोहर उठे यायेगु, दुरु ल्ह्यइगु व अनुमति कयातःगु गाडी जक चले याकूगु दु।

Categorized in राष्ट्रिय