शेयर बजाः थौं दोहोरो अङ्कं कुहावया १ हजार ९ सय विन्दुइ कुहावल ।

शेयर बजाः परिसूचक नेप्से थौं १८ दशमलव ८० अङ्कं कुहावया १ हजार ८ सय ८५ दशमलव ६० विन्दुइ थ्यःगु दु। होटल नाप पर्यटनबाहेक दक्को समूहया शेयर कुहावःगु दु सा जीवन बीमा समूहया शेयर न तसकं कुहावःगु दु।

अथेहे विकास बैंक, फाइनान्स, माइक्रोफाइनान्स, जलविद्युत लगायत समूहया शेयर न कुहावःगु दु। शेयर बजा नाप कारोबार रकम न कुहावःगु दु।

२६५ गु कम्पनीया २७ लाख ३४ हजार कित्ता शेयर ८२ करोड ८५ लाख रुपैयाँया कारोबार जूगु दु। दकलय् अप्पो थौं मोलुङ हाइड्रोपावरया ३ करोड ११ लाख रुपैयाँ बराबरया शेयर किनबेच जूगु दु।

गुडविल फाइनान्स व गणपति लघुवित्तया शेयर ५ प्रतिशत स्वया अप्पो कुहावःगु दु। समग्र बजाः घटे जूसा थौं आदर्श लघुवित्त, सनराइज व्यूसीप फन्ड व कालिञ्चोक दर्शन लिमिटेडया शेयर १० प्रतिशतं थहावःगु दु।

Categorized in राष्ट्रिय